Die meeste grondeise wat ontvang is tot einde 1998, voor die afsnydatum vir die indiening daarvan, is vir alle praktiese doeleindes geldig verklaar. Daar kan nou voortgegaan word om dié eise te verwerk.


Me. Thoko Didiza, Minister van Landbou en Grondsake, het in Pretoria gesê 35 294 van die 37 838 grondeise, ‘n totaal van 93 %, is geldig verklaar. Die 2 544 eise wat nog uitstaande is, kon nie geldig verklaar word nie weens ‘n gebrek aan stawende inligting of omdat die eisers nie opgespoor kon word nie.


Die grondeise wat nie geldig verklaar kon word nie, sal in die grondhervormingsprogram opgeneem word.


Me. Didiza het gesê die Belgiese regering het meer as R13,2 miljoen geskenk om eise geldig te laat verklaar. Die Departement van Grondsake se bydrae was R5 miljoen. Altesame R4 358 250 van die totale bedrag is nog oor.


Die kommissie vir grondeise in Gauteng het al 3 248 eise wat ontvang is, afgehandel. In Noordwes moes die kommissaris einde Desember nog tien uitstaande eise afhandel, terwyl die Vrystaat nog 20 moet deurwerk. Die Wes- en Noord-Kaap het elk nog 167 grondeise om af te handel, in die Oos-Kaap is daar nog 352, Mpumalanga het 435 en die provinsie Limpopo het 464. KwaZulu-Natal se kommissaris sukkel nog met 948, waarskynlik omdat die meeste grondeise, ‘n totaal van 12 082, in dié provinsie ontvang is.


Die Wes-Kaap het 8 356 eise ontvang, in Limpopo is daar 3 764, Mpumalanga het 3 266, Gauteng het 3 248, in die Noord-Kaap is 2 773, daar is 2 164 in die Oos-Kaap, Noordwes het 1 374 en die Vrystaat het 811 eise.


Ál die eise sal in die Staatskoerant gepubliseer word, waarna almal wat geraak word, kommentaar daarop kan lewer of beswaar daarteen kan maak.

31 Jan. 2003


Kommentaar

Kommentaar (2) “Grondeise staan einde se kant toe

  1. Nolan olyn
    Nolan olyn

    Ek wil nie kommentaar lewer nie,maar wel navraag doen.Ons het grondeis voor die afsnydatum in 1998 in die Campbell omgewing, en op n stadium was daar inligting op die siyancuma munisipaliteit se stelsel gelaai.Vandag se grondsakke dat die eis geintegreer is met ‘n ander eis en indien ons dit nie wil verloor nie moet ons die eis so aanvaar.En wat my better is die ander eise al afgehandel of in ‘n gevorderde stadium.Die eiser was Johannes Olyn,by navraag moes ons hoor dat ons nie ‘n titelakte het nie,ons sal geintegreeg word met ander eiese.Wat kan ons doen en by wie moet ons om hulp vra?

  2. PEDRO MORGAN
    PEDRO MORGAN

    IS daar meer inligting vir persone soos ek ,wat die afgelope paar jaar na my ouers sterftes in stede gaan werk het?Baie van ons behoort beter inlingting aangaande die gronteise kry……


Lewer kommentaar

Slegs in Afrikaans

Los 'n antwoord

Alle velde moet ingevul word.